රඹුක්කන ප්‍රදේශයේදී මහජන උද්ඝෝෂණයකට වෙඩිතබා පුද්ගලයෙකු ඝාතනය කිරීම සම්බන්ධයෙන් අත් අඩංගුවට ගැනීමට නියමිත රඹුක්කන කොට්ඨාස භාර සහකාර පොලිස් අධිකාරී චමින්ද ධර්මරත්න ද රෝහල්ගත වී ඇති බව වාර්තා වේ.
ඔහු මහනුවර කුණ්ඩසාලේ පිහිටි පොලිස් රෝහලට ඇතුළත්ව ඇති බවයි ආරංචිමාර්ග සඳහන් කළේ.
( චමින්ද ධර්මරත්න යනු ඇඹිලිපිටිය සහකාර පොලිස් අධිකාරීවරයාව සිටියදී තරුණයෙකුව ගොඩනැගිල්ලක උඩුමහලින් බිමට තල්ලු කර ඝාතනය කළ බවට ද චෝදනා ලැබූවෙකි.)
මේ රඹුක්කන වෙඩිතැබීමට අණදුන් ජ්‍යේෂ්ඨ පොලිස් අධිකාරීවරයා ද ඊයේ කොළඹ නාරාහේන්පිට පොලිස් රෝහලට ඇතුළත්ව තිබිණි.
ඒ අනුව අත්අඩංගුවට ගැනීම සඳහා අධිකරණ නියෝගයක් නිකුත් කර තිබියදී ඉහළ පොලිස් නිලධාරීන්ම හැසිරෙන්නේ මේ ආකාරයට නම් ඔවුන් රටේ නීතිය පවත්වාගෙන යන්නේ කෙසේද, පොලිසිය රටේ නීතිය විහිළුවකට ගෙන නැතිද, මේ නිශ්චිත සිදුවීමේදී පොලිසිය හිතාමතා අධිකරණයට අපහාස කරමින් සිටින්නේද යන ප්‍රශ්න ජනතාවට මතුවේ.
RN