එක්සත් ජාතික පක්ෂයේ මැයි දින රැලියේ වේදිකාවට සමගි ජන බලවේගයේ මන්ත්රීවරුන් පස්දෙනෙක් අනිවාර්යයෙන්ම ගේනවා කියලා පහුගිය දවස්වල එජාප ලොක්කෝ කීපදෙනෙක්ම පාරම්බාලා තිබුණා.
සමහරු ඔය ගාණ හයක්, හතක් කියලාත් කිව්වා.
කොහොම වුණත් ඔය වැඩේට අදාළව සාකච්ඡා කීපයකුත් සිද්ධ වෙලා නොතිබුණා නෙවෙයි. පහුගිය සතියේදී එජාප කොළඹ පැත්තේ “නායක” කෙනෙක්ගේ ගෙදරදීත් සාකච්ඡාවක් තිබුණා ලු. එතනට රටේ ලොක්කාත් ආවා කියලා ආරංචියි. එතනදී සජබ කීපදෙනෙක් එජාපයට එන්නම් කියලාමත් කිව්වා ලු. මැයි රැලියට එන එක ගැන පොසිටිව් සිග්නල් දුන්නත් හරියටම වචනයක් දුන්නෙත් නැහැ ලු. මැයි දිනේට කලින් ආපහු හම්බවෙමු කිව්වාට ඒක වුණෙත් නැහැ ලු.
කොහොමින් හරි අන්තිමේ ඊයේ (10) දවසේ එජාප මැයි රැලියට සජබෙන් කවුරුත්ම ගෙන්නා ගන්න බැරිවුණා.
සජබෙ අය ඔන්න ගේනවා, මෙන්න ගේනවා කියලා කයිවාරු ගහපු කීපදෙනෙකුට ලොකු තැනකගෙන් හොඳටම අහගන්න සිද්ධ වෙලා කියලාත් ආරංචියි අන්තිමේ ….
