2023 මැයි මස 01 දින ලෝක කම්කරු දිනය සැමරීම සදහා පැවැත්වූ පෙලපාලි හා මැයි දින රැලි ඉතාමත්ම සාමකාමීව පැවැත්වීම ,නීතිය හා සාමය නිසි පරිදි පවත්වාගෙන යාම හා රාජකාරියෙහි නියුතු පොලිස් නිලධාරීන්ට සිය රාජකාරී කටයුතුවලට බාධා නොකර සහයෝගය දැක්වීම පිලිබදව සියළුම දේශපාලන පක්ෂවලට හා සංවිධාන වලට සිය ස්තුතිය පිරිනමන බව මහජන ආරක්ෂක අමාත්‍ය ටිරාන් අලස් මහතා පවසයි.
එම මැයි දින සැමරුම් පෙලපාලි හා රැස්වීම් පැවැත්වූ හැම ස්ථානයකටම විශේෂ ආරක්ෂක වැඩපිලිවෙලක් දියත් කල බවත් මහජන ආරක්ෂක අමාත්‍ය ටිරාන් අලස් මහතා වැඩි දුරටත් සඳහන් කරයි.
මහජන ආරක්ෂාව වෙනුවෙන් දැඩි කැප කිරීමකින් රාජකාරී කටයුතු නිසිපරිදි ඉටුකල සියළු පොලිස් නිලධාරීන්ටත් තමාගේ ස්තුතිය පිරිනමන බවත් අමාත්‍ය ටිරාන් අලස් මහතා ප්‍රකාශ කර ඇත.
RN
