ආශිකා බ්‍රාහ්මණ
කොළඹ LNW:2022 වසරේ මැයි 09 වැනිදා ඇති වූ ප්‍රචණ්ඩකාරී සිදුවීම්වලින් අලාභ හානි සිදු වූ මැති ඇමතිවරුන්ගේ නිවාස වෙනුවෙන් ලබා දුන් වන්දි මුදල් සම්බන්ධයෙන් ගොනු කළ පෙත්සමක් අද (08) ශ්‍රේෂ්ඨාධිකරණය හමුවේ සලකා බැලුණු අතර එහිදී හිටපු ජනාධිපති ගෝඨාභය රාජපක්ෂට යළිත් නොතීසි නිකුත් කරන ලෙස අධිකරණය නියෝග කර තිබේ.
අදාළ දේපළ හානි වෙනුවෙන් හිටපු මැති ඇමතිවරුන් පිරිසක් නීති විරෝධී අයුරින් වන්දි ලබාගෙන ඇති බවත් එම මුදල් යළි රජයට අය කර ගැනීමට නියෝග කරන ලෙසත් ඉල්ලා මුලික අයිතිවාසිකම් පෙත්සමක් ගොණු කර තිබුණු අතර අද සලකා බලා තිබුණේ එම පෙත්සමයි.
එහි වගඋත්තරකරුවෙකු ලෙස හිටපු ජනාධිපතිවරයාව නම් කර ඇත.
අදාළ වන්දි ගෙවීම් නීති විරෝධී බවට ප්‍රකාශ කරන ලෙස පෙත්සම්කරුවන් ඉල්ලා ඇති අතර එම කරුණු සලකා බැලීමෙන් අනතුරුව ශ්‍රේෂ්ඨාධිකරණය මෙම නියෝගය නිකුත් කර තිබේ.
