කටාන අල් ඔබෙයිදානි ඇපරල් ඇඟළුම් කර්මාන්තශාලාව සඳහා ආරක්ෂාව තරකිරීමට දැඩි පියවර ගෙන ඇති බැවින් ශ්‍රී ලංකාව තුළ එම ව්‍යාපාර කටයුතු අඛණ්ඩව පවත්වාගෙන යන ලෙස මහජන ආරක්ෂක අමාත්‍ය ටිරාන් අලස් මහතා එම කර්මාන්තාශාලාවේ හිමිකරුගෙන් ඉල්ලීමක් කර තිබේ.
මෙම කර්මාන්තාශාලාවේ හිමිකරු වන ඕමාන ජාතික කලීෆා අල් ඔබෙයිදානි මහතා සහ ආරක්ෂක නිලධාරියකු පසුගියදා එම කර්මාන්තශාලාවට කඩා වැදුණු මැර පිරිසකගේ ප්‍රහාරයකට ලක්ව තිබුණු අතර එම මැර ප්‍රහාරය එල්ල කර ඇත්තේ ගම්පහ ප්‍රදේශයේම රාජ්‍ය අමාත්‍යවරයකුගේ ආධාරකරුවන් පිරිසක් විසින් බවට චෝදනා එල්ල වී තිබිණි.
අදාළ මැර ප්‍රහාරයට හේතුවී තිබුණේ කුලී පදනම මත වාහනයක් එම කර්මාන්තශාලාවට ලබාදීමට යාමේදී ඇතිවූ ගැටලුවක් බව සඳහන්.
මෙම පහරදීම සම්බන්ධයෙන් යුක්තිය ඉටුකරන බවත් කර්මාන්තශාලාව පවත්වාගෙන යාම සඳහා පූර්ණ ආරක්ෂාව ලබාදෙන බවත් මහජන ආරක්ෂක අමාත්‍ය ටිරාන් අලස් මහතා ඕමාන ජාතික ව්‍යාපාරිකයාට පොරොන්දු වී ඇත.
ඒ, එම කර්මාන්තශාලා හිමිකරු සමග පැවති සාකච්ඡාවකදී ය.
ඒ අනුව එම කර්මාන්තශාලාව මෙරටින් රැගෙන නොයාමට ඔහු එකඟ වී තිබේ.
RN
