සිසු නායක දඩයම වහා නවතනු !
නිදහස් අධ්‍යාපනය සහ නිදහස් සෞඛ්‍ය වනසන වෛද්‍ය උපාධි කඩ ගෙන ඒමේ ආණ්ඩුවේ කුමන්ත්‍රණය පරදවමු!
යන සටන් පාඨ මුල් කරගෙන වෛද්‍යපීඨ ශිෂ්‍ය ක්‍රියාකාරී කමිටුව මෙහෙය වීමෙන් විරෝධතා පා ගමනක් අද(16) දින දහවල් කොළඹ දී පැවැත්විනි.
මෙම විරෝධතා පා ගමන අද දහවල් කොළඹ නෙළුම් පොකුණ අසලින් ආරම්භ කොට හෝටන් පෙදෙසට පිවිස බොරැල්ල දෙසට ගමන් කල අතර හෝටන් පෙදෙස කින්සි පාර අසලදී පොලීසිය විසින් ජල ප්‍රහාරයක් එල්ල කොට පා ගමන නතර කෙරුනි.
පසුව වෛද්‍ය ශිෂ්‍ය නායකයින් විසින් එම ස්ථානයේදීම සභාව ඇමතීමෙන් පසුව පිරිස විසිර ගියහ.
මෙම පාගමන හේතුවෙන් පෙදෙස අවට දැඩි වාහන තදබදයක් පැවැති අතර අද ලිප්ටන් වට රවුම සහ ඒ අවට පොලීසිය, පොලිස් කැරලි මර්දන ඒකකය, යුධ හමුදාව, විශේෂ කාර්‍ය බලකාය යොදවා තිබෙනු දක්නට ලැබුනි.
සියලුම ඡායාරූප නරඹන්න.
