සටහන: සශිකලා මධුෂාණි,මැයි 17,
ලෝකය(අවුට්බවුන්ඩ් ටුඩේ) : යෝජිත ව්‍යවස්ථා ප්‍රතිසංස්කරණයන්ට එරෙහිව ප්‍රංශයේ යටත් විජිත කොටසක් ලෙස පවතින කැලිඩෝනියාවේ කෝලාහල තත්වයක් ඇතිවීම හේතුවෙන් හදිසි තත්වයක් ප්‍රකාශයට පත්කර ඇති බව වාර්තා වේ.
19 වන ශතවර්ෂයේ දෙවන භාගයේ සිට ප්‍රංශය විසින් යටත් විජිතකරණය කරන ලද නව කැලිඩෝනියාවේ පසුගිය සඳුදා (13)දින සිට ඇරඹි විරෝධතාවයන් හේතුවෙන් මේ වන විට පස් දෙනෙකු මියගොස් 64 දෙනෙකු තවාල ලබා තවත් සිය ගණනක් අත්අඩංගුවට ගෙන ඇති බව වාර්තා වේ.
අගනුවර වන නූමියා යනු කැරලිකරුවන් සිය ගණනක් සිටින ප්‍රදේශයක් වන අතර ඔවුන් තවදුරටත් ප්‍රචණ්ඩක්‍රියා සිදු කරමින් පවතියි. ආදිවාසී කනක් වැසියන්ගේ ඉහළ ජනගහනයක් සිටින නූමියා හි කම්කරු පන්තියේ ගොඩනැගිලි පුළුස්සා දමා ඇති අතර තත්වය පාලනය කිරීම වෙනුවෙන් නිව් කැලිඩෝනියාවේ ජනරජයේ මහ කොමසාරිස් ලුවී ලී ෆ්‍රෑන්ක් 1,700 සිට 2,700 දක්වා නව සෙබළුන් යොදවා තිබේ.
මේ වන විට මාර්ග පද්ධතීන් අවහිර කර තිබීම නිසා සමනය ජනතාව වෙත ප්‍රවේශවීම අසීරු වී ඇති අතර නිව් කැලිඩෝනියා රජය සිකුරාදා නිවේදනයක් නිකුත් කරමින් කියා සිටියේ දිවයිනේ මාස දෙකක ආහාර තොග ඇති අතර ගැටළුව බෙදා හැරීම වන බවයි. මේ වන විට කැලිඩෝනියාහි වාණිජ ගුවන් ගමන් සඳහා වසා දමා ඇති නිව් කැලිඩෝනියාවේ ජාත්‍යන්තර ගුවන් තොටුපළ සහ ප්‍රධාන වරායන් ආරක්ෂා කිරීම සඳහා භට පිරිස් කැඳවා තිබේ.
