පාර්ලිමේන්තු පිවිසුම් මාර්ගයේ සහ පොල්දූඹ මංසන්ධියේ, අන්තර් විශ්වවිද්යාලයීය ශිෂ්ය බල මණ්ඩලයේ සංවිධානයේ පැවැත්වීමට නියමිත උද්ගෝෂණය වැළැක්වීමේ නියෝගයක් නිකුත් කරන්නැයි පොලීසිය විසින් සිදු කළ ඉල්ලීම අධිකරණය ප්රතික්ෂේප කර තිබෙනවා.
වැලිකඩ පොලීසිය විසින් කොළඹ අතිරේක මහේස්ත්රාත් හර්ෂණ කැකුණවල මහතා හමුවේ මෙම ඉල්ලීම සිදුකර තිබිණි. පාර්ලිමේන්තුව අසල උද්ගෝෂණ පැවැත්වීම හේතුවෙන් මැති ඇමතිවරුන්ට පාර්ලිමේන්තුවට පිවිසීමට බාධා සිදුවන බවත්, එය මහජන නියෝජිතයන්ගේ වරප්රසාද කඩවීමක් බවත් පෙන්වා දුන් පොලීසිය අධිකරණයෙන් ඉල්ලා සිටියේ පාර්ලිමේන්තුව අසල උද්ගෝෂණ පැවැත්වීම වැළැක්වීමේ නියෝගයක් නිකුත් කරන ලෙසයි.
කරුණු සලකා බැලූ අතිරේක මහේස්ත්රාත්වරයා පොලීසිය ඉල්ලීම ප්රතික්ෂේප කළ අතර අදාල ස්ථානයේ යම් සාමය කඩවීමේ සිදුවීමක් සිදු වුවහොත් පොලිස් බලතල අනුව කටයුතු කිරීමේ හැකියාව පවතින බවද ප්රකාශ කර තිබේ.
UN
