සටහන: සශිකලා මධුෂාණි,මැයි 20,
ලෝකය(අවුට්බවුන්ඩ් ටුඩේ) : ඉරාන ජනාධිපති ඊබ්‍රහිම් රයිසි සහ ඔහුගේ විදේශ අමාත්‍යවරයා කඳුකර ප්‍රදේශයේ හෙලිකොප්ටර් අනතුරෙන් මියගිය බවට සැක පලකෙරෙන බව රොයිටර් වාර්තා කර තිබේ.
සෝදිසි කණ්ඩායම් විසින් අද(20)සුන්බුන් සොයා ගෙන ඇති අතර හෙලිකොප්ටරය අනතුරින් සම්පූර්ණයෙන්ම දැවී ගොස් ඇති බව හඳුනාගෙන තිබේ. ඉරානයේ රතු ක්‍රෙසන්ට් ප්‍රධානී Pirhossein Kolivand රාජ්‍ය මාධ්‍ය වෙත සඳහන් කර තිබුණේ, අනතුරට පත් ස්ථානයේ සුන්බුන් දැකිය හැකි බවත්, එහි ගමන්ගත් මගින් අතර ජීවය පිළිබඳ කිසිදු සලකුණක් අනාවරණය වී නොමැති බවයි.
සඳුදා අලුයම නැගෙනහිර අසර්බයිජාන් පළාතේ සුන්බුන් වෙත ළඟා වීමට ගලවා ගැනීමේ කණ්ඩායම් රාත්‍රිය පුරා හිම කුණාටු සහ දුෂ්කර භූමි ප්‍රදේශ සමඟ සටන් කිරීමට සිදුව ඇත.
