සටහන – රුවන් නෙළුගොල්ල
කළුතර කටුකුරුන්ද ප්රදේශයේදී ඊයේ (20) රාත්රියේ සිදුවූ වෙඩිතැබීමකින් පුද්ගලයෙකු මියගොස් ඔහුගේ හත් හැවිරිදි දියණිය තුවාල ලබා ඇති බව පොලීසිය පවසයි.
මෙසේ මියගොස් ඇත්තේ කටුකුරුන්ද දුම්රියපොල පාරේ පදිංචි 38 හැවිරිදි තිදරු පියෙකි. ඔහු සිය නිවසෙහි දරුවන් තිදෙනා සමග රාත්රී ආහාරය ලබාගනිමින් සිටියදී යතුරුපැදියකින් පැමිණි නාඳුනන තුවක්කුකරුවන් දෙදෙනෙකු විසින් වෙඩිතැබීම සිදුකර ඇති බව සඳහන්.
මෙම වෙඩිතැබීම සඳහා ටී 56 ගිනිඅවියක් භාවිතා කර ඇති බවත් පොලීසිය පැවසීය.
දකුණු කළුතර පොලීසිය සහ විශේෂ පොලිස් කණ්ඩායම් කිහිපයක් සිද්ධිය සම්බන්ධයෙන් විමර්ශන සිදුකරයි.
