පාරිභෝගික අධිකාරියේ අනුමැතියකින් තොරව මෙලෙස සමාගම් විසින් තිරිඟු පිටි මිල වැඩි කරන්නේ කෙසේද යන්න ආපනශාලා හිමියන්ගේ සංගමයේ සභාපති අසේල සම්පත් මහතා පවසයි.
තිරිඟු පිටි මිල යළිත් වරක් ඉහළ යාමත් සමඟ ඒ ආශ්රිත නිෂ්පාදන මිල ඉහළ දැමීමට සිදු වීමෙන් ආපනශාලා කර්මාන්තය මුහුණ දී තිබෙන දැඩි අර්බුදකාරී තත්ත්වය සම්බන්ධයෙන් අදහස් දක්වමිනුයි ඔහු මේ බව සඳහන් කරන්නේ.
කෙසේවෙතත් පාරිභෝගික කටයුතු සම්බන්ධයෙන් පත්කර තිබෙන නව ඇමතිවරයාට තමන් පවසන්නේ ජනතාවට තුන්වේල කෑමට හැකි තත්ත්වයක් ඇති කරන ලෙස යැයිද අසේල සම්පත් මහතා අවධාරණය කරයි.
මේ අතර තවදුරටත් ලාෆ් ගෑස් වෙළෙඳපොල තුළ නොමැති තත්ත්වයක ඔවුන්ව කෝප් කමිටුව හමුවට නොකැදවන්නේ අගමැතිවරයා සහ ලාෆ් ගෑස් හිමිකරු වන වෑගපිටිය අතර පවතින ඩීල් එකක් හේතුවෙන්ද යන්න පිළිබඳවද ඔහු ප්රශ්න කර සිටියි.
ASK
