ඉන්ධන සහනාධාරයක් ලබාදීමට රජය කටයුතු නොකරන්නේ නම් මුළු රටේම බහුදින ධීවර යාත්‍රා ධීවර කටයුතුවලින් ඉවත් කරගැනීමට සිදුවන බව සමස්ත ලංකා බහුදින ධීවර යාත්‍රා හිමියන්ගේ සංගමය පවසයි.
දිනෙන් දින ඉහළ යන ඉන්ධන මිල හමුවේ තම රැකියාව කරගෙන යෑම ඉතාම අසීරු වී ඇති බවයි ඔවුන් සඳහන් කළේ.
රටට ඩොලර් ආදායම් උපයාදෙන ප්‍රධාන ක්ෂේත්‍රයක් වන ධීවර ක්ෂේත්‍රය කෙරෙහි රජයේ අවධානය යොමු නොවීම කණගාටුවට කරුණක් බව පැවසූ ඔවුන් පෙන්වා දුන්නේ බහුදින ධීවර යාත්‍රා නතර වුවහොත් රටට ඩොලර් ආදායම් අහිමිවනවා සේම ලක්ෂ ගණනකට රැකියා ද අහිමි වනු ඇති බවයි.
එම සංගමය විසින් ඊයේ (25) පැවැත්වූ මාධ්‍ය හමුවකදී ඔවුන් මේ බව ප්‍රකාශ කරන ලදී.
RN
