බ්‍රැන්ඩික්ස් ශ්‍රී ලංකාවෙන් බංග්ලාදේශයට!

Date:

කොළඹ LNW :මෙරට ඇඟලුම් කර්මාන්ත ක්ෂේත්‍රයේ දරුණු කඩා වැටීමක සළකුණු පෙන්නුම්කරමින් මේ වන විට බ්‍රැන්ඩික්ස් සමූහයේ ඇඟලුම් කර්මාන්ත ශාලා 05ක් වසා දමා ඇති අතර ඒවා බංග්ලාදේශයේ ආයෝජනය කර තිබෙන බව වාර්තා වෙයි.

ඒ අනුව ප්‍රධාන කර්මාන්තශාලාව ලෙස කටුනායක පිහිටි කර්මාන්ත ශාලාවත්,වැලිසර,අවිස්සාවේල්ල,රක්වාන සහ හබරාදුව ආයෝජන කලාපවල පිහිටි කර්මාන්ත ශාලා එලෙස ඉවත් කරගෙන තිබේ.

ශ්‍රී ලංකාව තුළ පවතින විදේශ විනිමය අර්බුදය හේතුවෙන් එම කර්මාන්තශාලා වෙත ඇනවුම් නොලැබෙන තත්ත්වයක් මතුවීම හේතුවෙන් මෙලෙස එකී කර්මාන්ත ශාලා වසාදැමීමට සිදුව ඇත.

ශ්‍රී ලංකාවට වඩා පහසුවෙන් බංග්ලාදේශය තුළ එම ව්‍යාපාරික කටයුතු සිදුකිරීමේ පරිසරයක් තිබීමද ඊට තවත් හේතුවක් වී ඇත.

ඒ අනුව මෙරට කර්මාන්ත ශාලා තුළ සේවය කළ පිරිස්වල රැකියා ද අහිමි වී තිබීම බරපතල ප්‍රශ්නයක්ව පවතියි.

ශ්‍රී ලංකාවේ ශ්‍රමිකයින්ට වඩා අඩු වැටුපකට බංග්ලාදේශයෙන් ශ්‍රමිකයින් සපයා ගැනීමට හැකිවීම් මත මෙරට එම ආයතනවල සේවකයින්ට බංග්ලාදේශ කර්මාන්ත ශාලාව සමඟ එක්වීමට තිබෙන ඉඩ ද ඇහිරී තිබේ.

තවද බංග්ලාදේශ ශ්‍රමිකයින්ට කර්මාන්ත ශාලාව විසින් ආහාර සැපයීමක් ද සිදුකිරීමේ අවශ්‍යතාවක් නොමැති වීමද මෙම ආයෝජන බංග්ලාදේශයට යාමට තවත් හේතුවක් සපයා ඇති බව සඳහන්.

කෙසේවෙතත් රටේ පවතින ආර්ථික අර්බුදය විසින් දිනෙන් කර්මාන්ත ක්ෂේත්‍රය කඩා වැටෙමින් තිබෙන අතර ඊයේ දින මේ සම්බන්ධයෙන් විපක්ෂ නායක සජිත් ප්‍රේමදාස මහතා ද පාර්ලිමේන්තුවේදී ද ආණ්ඩුවෙන් ප්‍රශ්න කර සිටියේය.

විශේෂයෙන් ඇඟලුම් කර්මාන්තශාලා වැසී යාමත් සමඟ දහස් ගණනින් රැකියා විරහිතභාවයට පත්වීමත් සමඟ සමාජ ආර්ථික වශයෙන් ඇතිවන අර්බුදයන්ට පිළියම් යෙදීමද අසීරු වනු ඇත.

Share post:

spot_imgspot_img

Popular

More like this
Related

ශ්‍රී ලංකන් ගුවන් සේවයේ 46 වැනි සංවත්සරය නිමිත්තෙන් පාරිභෝගිකයන්ට වට්ටම් හා දීමනා රැසක්

ශ්‍රීලංකන් ගුවන් සේවයේ 46 වැනි සංවත්සරය 2025 සැප්තැම්බර් 01...

වැසි තත්වයේ වෙනසක් – අද (31) කාලගුණය

සටහන - රුවන් නෙළුගොල්ල අද (31) දිනයේදී බස්නාහිර සහ සබරගමුව...

විකුණන්න කෙනෙක් දන්නේ නැත්නම් වගා කරන්න එපා – කෘෂි ඇමතිගෙන් ගොවීන්ට උපදෙස් !

අස්වනු අලෙවිය සඳහා වෙළඳපොලක් නොදන්නේ නම් වගා කිරීමෙන් වළකින...

දිවයිනට රැගෙන ආ සංවිධානාත්මක අපරාධකරුවන් CID භාරයට!

රෂිකා හෙන්නායක අගෝස්තු 30 කොළඹ LNW: අද (30) සවස...