සටහන – රුවන් නෙළුගොල්ල
හිටපු ජනාධිපති රනිල් වික්‍රමසිංහ මහතාගේ මහජන සම්බන්ධතා අධ්‍යක්ෂ ජනරාල් වශයෙන් කටයුතු කළ තුසිත හල්ලොලුවගේ වාහනයට වෙඩිතැබීමේ සිද්ධිය සම්බන්ධයෙන් තවත් සැකකරුවන් තිදෙනෙකු කොළඹ අපරාධ කොට්ඨාසය විසින් අත් අඩංගුවට ගෙන තිබේ.
ඊයේ (27) වත්තල හා කිරුළපන ප්‍රදේශවලදී මෙම සැකකරුවන් අත්අඩංගුවට ගෙන ඇති අතර සිද්ධියේ යතුරුපැදිකරු ද මේ අතර සිටින බව සඳහන්.
මෙසේ අත් අඩංගුවට ගෙන ඇත්තේ වත්තල හා කොළඹ 14 ප්‍රදේශවල පදිංචි වයස අවුරුදු 31, 32 හා 40 වන පුද්ගලයින් තිදෙනෙකි. ඔවුන් සතුව තිබූ ජංගම දුරකථන 4ක් ද පොලිස් භාරයට ගෙන ඇත.
මෙම සැකකරුවන් අද (28) කොළඹ ප්‍රධාන මහේස්ත්‍රාත් අධිකරණය වෙත ඉදිරිපත් කිරීමට නියමිතය.
සිද්ධිය සම්බන්ධයෙන් මීට පෙර කාන්තාවක් ඇතුළු සැකකරුවන් තිදෙනෙකු අත් අඩංගුවට ගෙන තිබිණි.
