සටහන – නිශ්මං රණසිංහ
මැයි 31, කොළඹ (LNW) : බැංකොක් නුවර පැවත්වෙන 2024 ප්‍රංශ ඔලිම්පික් තරගාවලියට සුදුසුකම් ලැබීමේ බොක්සිං තරගාවලියට කිලෝ ග්‍රෑම් 51 බරං පංතියෙන් තරග කරන උමයංග මිහිරාන් ඊයේ සිය දෙවන තරගය ජය ගන්නට සමත් වුණා.පළමු තරගය මෙන්ම ඊයේ තරගයේදී ද විනිසුරුවන් ලබා දුන් තීරණ 5-0 ක් ලෙස තබා ගන්නට හැකි ලෙස තරග කරන්නට උදයංග සමත් වුණා.
මෙම සටන ජය ගැනීමත් සමඟ උමයංගට පැරිස් ගමණට එකතු වන්නට ඇත්තේ තවත් එක් තරගයක් ජය ගැනීම පමණක් අවශ්‍යය බව බ=පවසමින්, ඒ ආශ්වාදය ඇතුව උමයංග සිය මුහුණු පොතට ඇතුළත් කරපු පුංචි වීඩියෝ සටහනකින්ම මේ ඡායාරූපය සකසා ගත්තේ,ඔහුගේ ජයග්‍රහණයට අද දවස තුළ ඔබේ සිතුවිලි ආශිර්වාදය දසත පැතිරවීම වැදගත් වනු ඇති නිසයි.ඒ ආශිර්වාදය උමයංගට ශක්තියක් වනු ඇති නිසයි. ඔහුගේ ප්‍රතිවාදියා වූයේ,මොරොක්කෝවේ 21 හැවිරිදි හම්සා එසාද්දි යි.
අද උමයංගට හමුවන්නේ ඉරාන ජාතික පාර්විසි මහිදි දක්ෂ ක්‍රීඩකයෙක් වුව ද,ඔහු ඊයේ තරගයේදි දැඩි අභියෝගයකට ලක් කරන්නට ජර්මණියේ ඉබ්‍රාහීම් ඔමාර් සලාහ් සමත් වෙනවා.එම තරගයේ විනිසුරුවරුන්ගේ තීරණය වූයේ 3-2 ක් යන්නයි.මේ අනුව එම තරගය ජයගන්නට ඉරාන ජාතිකයා දැරූ වෙහෙස සමහර විට අද දවසේ මිහිරාන්ට අමතර වාසියක් වීමේ හැකියාව ද තිබෙනවා.
