Monday, June 27, 2022
spot_img
spot_img

Latest Posts

විදේශ කටයුතු අමාත්‍යවරයා ඉන්දීය මහ කොමසාරිස්වරයා වෙත සිය කෘතඥතාව පළ කරයි

ශ්‍රී ලංකාවේ ඉන්දීය මහ කොමසාරිස් ශ්‍රී ගෝපාල් බග්ලේ මැතිතුමා 2022 ජූනි 2 වැනි දින විදේශ කටයුතු අමාත්‍යාංශයේ දී විදේශ කටයුතු අමාත්‍ය මහාචාර්ය ජී.එල්. පීරිස් මැතිතුමා හමුවිය.

මහ කොමසාරිස්වරයා මෙම හමුව අතරතුර ආහාර, ඉන්ධන, පොහොර සහ ඖෂධ නිෂ්පාදන වැනි අත්‍යවශ්‍ය ද්‍රව්‍ය ඇතුළුව ඉන්දියාව මේ වන විට ශ්‍රී ලංකාවට ලබා දී ඇති ආධාර පිළිබඳව විදේශ කටයුතු අමාත්‍යවරයා දැනුම්වත් කළේ ය. තවද, ද්විපාර්ශ්වික කටයුතු සහ රටේ වත්මන් ප්‍රවණතා සම්බන්ධයෙන් ද සාකච්ඡා පැවැත්වී ය.

විශේෂයෙන්ම ශ්‍රී ලංකාව මුහුණ දෙන මෙම අභියෝගාත්මක අවස්ථාව හමුවේ ඉන්දියාව ලබාදුන් නොමසුරු සහ අඛණ්ඩ සහය සම්බන්ධයෙන් විදේශ කටයුතු අමාත්‍යවරයා සිය කෘතඥතාව පළ කළේ ය.

මෙහිදී අදහස් දැක්වූ විදේශ කටයුතු අමාත්‍ය මහාචාර්ය පීරිස් මැතිතුමා, මෙම තීරණාත්මක මොහොතේ දී ආහාර සහ බලශක්ති සුරක්ෂිතතාව, ඖෂධ නිපැයුම් සැපයීම සහ ණය ආධාර සහ SWAP විධිවිධාන මගින් සුවිශේෂී සහයෝගයක් ලබා දෙමින් සෑම අංශයකටම දැවැන්ත පරිමාණයෙන් ඉන්දීය ආධාර පිරිනැමීම, ශ්‍රී ලංකා රජයේ ඉමහත් පැසසුමට ලක්වන බව සඳහන් කළේ ය.

සමීප අසල්වැසියන් ලෙස දිගු කලක් මුළුල්ලේ පැවැත්වූ බහුපාර්ශ්වික සබඳතා සතු සුවිශේෂී වැදගත්කම දෙපාර්ශ්වයේ ඇගයුමට ලක්විය.

විදේශ කටයුතු අමාත්‍යාංශයේ නිලධාරීහු සහ ඉන්දීය මහ කොමසාරිස් කාර්යාලයේ නිලධාරීහු මෙම හමුව සඳහා සහභාගී වූහ.

විදේශ කටයුතු අමාත්‍යාංශය
කොළඹ

Latest Posts

spot_img

Don't Miss

Stay in touch

To be updated with all the latest news, offers and special announcements.