හෙට(09) දිනයේදී විදුලිබල සංශෝධන පනත අනිවාර්යෙන්ම පාර්ලිමේන්තුවට රැගෙන එන බව බලශක්ති අමාත්‍ය කාංචන විජේසේකර මහතා පවසයි.
මෙම පනතට විරුද්ධ වන්නේ පුනර්ජනනීය බලශක්ති උත්පාදනය සඳහා විරෝධය පළ කරන ඉංජිනේරුවරුන් පිරිසක් බවයි අමාත්‍යවරයා සඳහන් කරන්නේ.
ඇතැම් විදුලි ඉංජිනේරුවරුන් රටේ විදුලි සපැයුම විසන්ධි වීමට ඉඩ ඇති බවට සඳහන් කරමින් තර්ජනාත්මක අයුරින් ලිපි පවා යොමු කර ඇති බව ද අමාත්‍යවරයා පවසයි.
මේ අතර විදුලිබල පනත සංශෝධනය කිරීමට විරෝධය පළ කරමින් අද මධ්‍යම රාත්‍රීයේ සිට සියලු රාජකාරි කටයුතුවලින් ඉවත්වීමට ලංකා විදුලිබල මණ්ඩලයේ ඉංජිනේරු සංගමය තීරණය කර තිබේ.
ASK
