සටහන – රුවන් නෙළුගොල්ල
දැයේ දූදරුවන්ගේ පරිගණක සාක්ෂරතාවය ඉහළ නැංවීම සහ අධ්‍යාපනය නවීකරණය කිරීමේ අරමුණින් යුතුව විපක්ෂ නායක සජිත් ප්‍රේමදාස මහතාගේ සංකල්පයක් අනුව ක්‍රියාත්මක සක්වල සුහුරු පන්ති කාමර ලබා දීමේ වැඩසටහනේ 229 වැනි අදියර ඊයේ (10) යාපනය උඩුප්පිළි බාලිකා විද්‍යාලයේදී ක්‍රියාත්මක කෙරිණි.
ඒ අනුව, එම විද්‍යාලයට රුපියල් 1,177,000 ක් වටිනා ස්මාර්ට් පන්ති කාමරයක් විපක්ෂ නායකවරයාගේ ප්‍රධානත්වයෙන් පරිත්‍යාග කරන ලදී.
මෙම අවස්ථාවට දෙමළ ජාතික සන්ධානයේ පාර්ලිමේන්තු මන්ත්‍රී එම්. ඒ. සුමන්දිරන් මහතා ද සහභාගී වීම විශේෂත්වයකි.
ඊයේ දිනයේ ක්‍රියාත්මක වූ සක්වල සුහුරු පන්ති කාමර වැඩසටහනේ 228 සහ 299 යන අදියර දෙක සඳහාම ශ්‍රී ලංකා නිදහස් පක්ෂයේ පාර්ලිමේන්තු මන්ත්‍රී අංගජන් රාමනාදන් මහතා ද එක්ව සිටියේය.
