මන්නාරමේ යෝජිත විදුලිබල ව්‍යාපෘතිය සම්බන්ධයෙන් තමන් පාර්ලිමේන්තුවේ කෝප් කමිටුව හමුවේ සිදුකළ ප්‍රකාශය ඉල්ලා අස්කර ගන්නා බව විදුලිබල මණ්ඩලයේ සභාපති එම්. සී. ෆර්ඩිනැන්ඩු මහතා පවසයි.
කෝප් කමිටු සභාපතිවරයා වෙත ලිපියක් යවමින් ඒ මහතා සඳහන් කර ඇත්තේ එම අවස්ථාවේ තිබුණු පීඩනය සහ හැඟීම් හේතුවෙන් තමන් එම ප්‍රකාශය කළ බවත් එහිදී ඉන්දීය අගමැතිවරයාගේ නම කියැවුණු බවත් ය.
ඒ අනුව ඒ සම්බන්ධයෙන් කොන්දේසි විරහිතව තමන් සමාව ඉල්ලා සිටින බවත් ඒ මහතා සිය ලිපියෙන් දැනුම් දී ඇත.
මන්නාරම විදුලිබල ව්‍යාපෘතිය අදානි සමාගමට ලබාදෙන්නැයි ඉන්දීය අගමැති මෝදි මහතා බලකරන බැවින් එය ඔවුන්ට ලබාදෙන ලෙස ජනාධිපති ගෝඨාභය රාජපක්ෂ මහතා තමන්ට බලපෑම් කළ බව විදුලිබල මණ්ඩල සභාපතිවරයා කෝප් කමිටුව හමුවේ ප්‍රකාශ කර තිබිණි.
RN
සබැඳි පුවත් –
