සටහන: සශිකලා මධුෂාණි
ජුනි මස 13: ලෝකය(අවුට්බවුන්ඩ් ටුඩේ): ඊයේ(12)දිනයේදී SpaceX හි වාර්තාගත කොටස් ඉහළයාමත් සමඟ ප්‍රකෝටිපති එලෝන් මස්ක් ලොව ප්‍රථම ට්‍රිලියනපතියා බවට නිල වශයෙන් පත්ව තිබේ.
එවන විටත් ලොව ධනවත්ම පුද්ගලයා බවට පත්ව සිටි මස්ක්ගේ ශුද්ධ වත්කම් මේවන විට බ්ලූම්බර්ග්ට අනුව, වර්තමාන ඇස්තමේන්තුගත ශුද්ධ වටිනාකම ඩොලර් ට්‍රිලියන 1.11 ක් පමණ වන අතර, එය සිදු වූයේ රොකට්, විදුලි සංදේශ සහ කෘතිම බුද්ධි (AI) සමාගම නැස්ඩැක් කොටස් හුවමාරුවේ ඩොලර් ට්‍රිලියන 2.2 ක වටිනාකමකින් ලැයිස්තුගත කිරීමත් සමඟ ය.
මස්ක් ඔහුගේ ළඟම ප්‍රතිවාදියා වන ගූගල් සම-නිර්මාතෘවරු ලැරී පේජ්ට වඩා හතර ගුණයකින් පමණ ධනවත් වන අතර මෙටා හිමිකරු මාර්ක් සකර්බර්ග්ට වඩා පස් ගුණයකින් ධනවත් වේ. ඒ අනුව, මේ වන විට ඔහුගේ ධනය දැන් පෝලන්තයේ හෝ ස්විට්සර්ලන්තයේ සමස්ත ආර්ථික නිෂ්පාදනයට සමාන බව කියවේ.
2020 ජනවාරි මාසයේදී, ඔහු ඩොලර් බිලියන 28ක් සහිතව ලොව 35 වන ධනවත්ම පුද්ගලයා ලෙස බ්ලුම්බර්ග් නම්කර තිබු අතර ඔහුගේ විශාලතම සමාගම් දෙක වන විදුලි මෝටර් රථ නිෂ්පාදක ටෙස්ලා සහ අභ්‍යවකාශ ගවේෂණය සහ AI සමාගමක් වන SpaceX හි වටිනාකම තියුනු ලෙස වර්ධනය වීමට පටන් ගැනීමත් සමඟ වේගයෙන් ඔහුගේ ධනය ඉහල ගොස් ඇත.
