සටහන – රෂිකා හෙන්නායක ජුනි 16 , කොළඹ (LNW):
සෞඛ්‍ය අමාත්‍යාංශය නිවේදනයක් නිකුත් කරමින් වාර්තා කරන්නේ, ජනවාරි මාසයේ සිට මේ දක්වා වසරේ ගත වූ කාලය තුළ ඩෙංගු රෝගීන් 26,294 ක් වාර්තා වී ඇති බවයි .
එම නිවේදනයේ දැක්වෙන්නේ, ඉන් වැඩිම පිරිසක් බස්නාහිර පළාතෙන් වාර්තා වන අතර, එම සංඛ්‍යාව 9,675 ක් බවයි.
එසේම මේ වසර තුළ ඩෙංගු රෝගය හේතුවෙන් පුද්ගලයින් 09 දෙනෙකු ජීවිතක්ෂයට පත්ව තිබෙන බව එම නිවේදනයේ වැඩිදුරටත් සඳහන් වන අතර, සෞඛ්‍ය අමාත්‍යාංශය ජනතාවට දැනුම් දෙන්නේ වර්ෂාවත් සමඟ ඩෙංගු රෝගය ව්‍යාප්තවීමේ දැඩි අවදානමක් පවතින බැවින් තම නිවාස අවට පිරිසිදු කර ගනිමින් ඒ පිළිබඳව සැළකිලිමත් වන ලෙසටයි.
