ආශිකා බ්‍රාහ්මණ
කොළඹ LNW: හිටපු ජනාධිපතිවරයාද ඉන්න ජනාධිපතිවරයාද නොව තරාතිරම නොබලා නීතිය ක්‍රියාත්මක විය යුතු අතර ජනතාව අපේක්ෂා කරන්නේ සෑම කෙනෙකුටම සමානව නීතිය ක්‍රියාත්මක වීම බව පාර්ලිමේන්තු මන්ත්‍රී අනුර පනාගොඩ පැවසීය.
එම නිසා වත්මන් ආණ්ඩුව එම කටයුත්තට මැදිහත්වන අතර හිටපු ජනාධිපති ගෝඨාභය රාජපක්ෂ කළ යුත්තේද නීතිය ඉදිරියට ගොස් කරුණු කීම මිස අත්අඩංගුවට නොගන්නා ලෙස අදෝනා තැබීම නොවන බව මන්ත්‍රීවරයා සඳහන් කළේය.
කෙසේවෙතත් ඊයේ දිනදී පාස්කු ප්‍රහාරයට අදාළ විමර්ශන මත තමන් අත්අඩංගුවට නොගන්නා ලෙස නියෝගයක් නිකුත් කරන්නැයි හිටපු ජනාධිපති ගෝඨාභය රාජපක්ෂ විසින් අධිකරණය හමුවේ පෙත්සමක් ගොණු කිරීම තුළ හොරාට කලින් කෙහෙල්කන වැට පැනීමක් වගේ පෙන්නුම් කරන බව මන්ත්‍රීවරයා පැවසීය.
ගෝඨාභය රාජපක්ෂ මහතා කළ යුත්තේ එය නොව රටේ ජනතාව් හමුවේ සිය නිර්දෝෂිභාවය ඔප්පු කිරීම බව හෙතෙම තවදුරටත් සඳහන් කළේය.
මන්ත්‍රීවරයා මේ බව පැවසුවේ වසර ගණනාවක් පුරා ධාවනය නතර වී තිබුණු 128/6 හෝමාගම – කුරුදුවත්ත ලංගම බස් රථය අද (17) සිට යළි ධාවනයට එක්කිරීමේ අවස්ථාවට එක්වෙමිනි.
