Tuesday, July 5, 2022
spot_img
spot_img

Latest Posts

ජනගහනයෙන් 22% කට අවම පෝෂණයවත් නෑ – ලෝක ආහාර වැඩසටහන

ශ්‍රී ලංකාව තුළ උත්සන්න වෙමින් පවතින ආහාර අර්බුදය හමුවේ මානුෂීය ආධාර වැඩසටහන් ක්‍රියාත්මක කිරීමට ලෝක ආහාර වැඩසටහන තීරණය කර තිබෙනවා. එම ආයතනය සිදුකළ නිරීක්ෂණවලදී හෙලිදරව් වී තිබෙන්නේ මෙරට ජනගහනයෙන් 22% කට වැඩි ප්‍රමාණයකට අවම පෝෂණය සහිත ආහාර හෝ ලබා ගැනීමට නොහැකි වී ඇති බවයි.

සිදුකර ඇති සමීක්ෂණවලට අනුව රටේ ජනතාවගෙන් 86% කට වැඩි පිරිසක් ආහාර සපයා ගැනීමේ අර්බුදයට මුහුණ දී සිටී. ආහාර ගන්නා ප්‍රමාණය අඩු කිරීම, පෝෂ්‍යදායී ආහාර වෙනුවට කුමන හෝ දෙයක් ආහාරයට ගැනීම, දෛනිකව ලබා ගන්නා ආහාර වේල් ප්‍රමාණය අඩු කිරීම වැනි විසඳුම්වලට යාමට ඔවුන්ට සිදුව ඇති බවද ලෝක ආහාර වැඩසටහන පවසනවා.

මෙරට ජනතාවගෙන් ආහාර සපයා ගැනීම බරපතල ගැටලුවක් වී ඇති ලක්ෂ 30 කට පහසුකම් සැපයීමට ලෝක ආහාර වැඩසටහන තීරණය කර ඇති අතර මේ සඳහා ඇමරිකානු ඩොලර් මිලියන 60 ක් අවශ්‍ය වන බවයි එම ආයතනය පවසන්නේ. එම ජනතාවට ආහාර මිලදී ගැනීම සඳහා වවුචරපත්, ආහාර හෝ මුදල් ලබාදීමට එම ආයතනය සැළසුම් කර තිබෙනවා. මෙම වසරේ ජුනි – දෙසැම්බර් කාලය තුළ මෙම වැඩසටහන ක්‍රියාත්මක වේ.

මේ යටතේ ඔවුන්ගේ මූලික අවධානය යොමුව තිබෙන්නේ ගර්භනී කාන්තාවන් වෙතයි. ගැබිණි මව්වරුන්ට දිනපතා පෝෂ්‍යදායී ආහාර ලබා දිය යුතු නමුත් දරිද්‍රතාවයෙන් පෙළෙන පවුල්වල ගර්භනී කාන්තාවන්ට එම අවශ්‍යතා සපුරා ගැනීමට නොහැකි වී තිබේ. මෙම තත්වය මත මව්වරුන් පමණක් නොව කුස තුළ සිටින දරුවාගේද සෞඛ්‍ය තත්වය අවදානමට ලක්වන බව ලෝක ආහාර වැඩසටහන පවසනවා.

මෙම වැඩසටහනේ පළමු පියවර ලෙස කොළඹ දිස්ත්‍රික්කයේ තෝරා ගත් ගර්භනී කාන්තාවන් පිරිසකට මාසිකව රුපියල් 15,000 ක වටිනාකමින් යුක්ත වවුචර්පත් ලබාදීම සිදු කෙරේ.

UN

Latest Posts

spot_img

Don't Miss

Stay in touch

To be updated with all the latest news, offers and special announcements.