සටහන: සශිකලා මධුෂාණි
ජුනි 20; ලෝකය(අවුට්බවුන්ඩ් ටුඩේ): තායිලන්තයේ හිටපු අගමැති තක්ෂින් ෂිනවත්‍රාගේ දියණිය වන තායිලන්ත අගමැති පේටොංටාර්න් ෂිනවත්‍රා, හිටපු කාම්බෝජ නායක හුන් සෙන් සමඟ කරන ලද දුරකථන සංවාදයක් සම්බන්ධයෙන් ජාතියෙන් සමාව ඉල්ලා ඇති බව වාර්තා වේ.
කාන්දු වූ ඇමතුමේදී, 2023 දී ධුරයෙන් ඉවත් වුවද කාම්බෝජයේ සැලකිය යුතු බලයක් දරන හුන් සෙන් සමඟ පේටොංටාර්න් පවතින දේශසීමා ආරවුලක් පිළිබඳව සාකච්ඡා කර ඇති අතර එහිදී අගමැතිනිය හුන් සෙන් හඳුන්වා ඇත්තේ’මාමා’වශයෙනි. රටේ ඊසානදිග තායි හමුදා අණදෙන නිලධාරියා ඇගේ ප්‍රතිවාදියා ලෙස හඳුන්වන අතර එය සමාජ මාධ්‍යවල දැඩි විවේචනයට ලක් ව ඇති අතර ඇගේ පාලක සන්ධානය බිඳ දැමීමට ද තර්ජනයක් වී ඇත.
38 හවිරිදී පේටොංටාර්න් ෂිනවත්‍රා අත්දැකීම් අඩු පාලකයකුවන අතර මෙම කාන්දු වූ දුරකථන ඇමතුම හේතුවෙන් අගමැතිනි පේටොංටාර්න් පාලක සන්ධානයේ දෙවන විශාලතම පක්ෂය වන භුම්ජයිතායි පියු තායි පක්ෂයේ ප්‍රධාන සභාග හවුල්කරුවෙකු ඉල්ලා අස්වීමට හේතු වී ඇත.
නමුත් තායිලන්තයේ සන්නද්ධ හමුදා දිගු කලක් රාජධානියේ දේශපාලනය තුළ බලවත් කාර්යභාරයක් ඉටු කර ඇති අතර දේශපාලනඥයන් සාමාන්‍යයෙන් ඔවුන්ට විරුද්ධ නොවීමට ප්‍රවේශම් වේ.
කාම්බෝජයේ හුන් පවුල සමඟ ෂිනවත්‍රාගේ මිත්‍රත්වය දශක ගණනාවක් පැරණි ය. හුන් සෙන් සහ පේටොංටාර්න්ගේ පියා වන හිටපු තායි අගමැති තක්සින් ෂිනවත්‍රා එකිනෙකා “දෙවි සහෝදරයන්” ලෙස සලකති.
