නාගරික සංවර්ධන අධිකාරියට අයත් නිවාස සංකීර්ණයකින් නිවසක් ලබාදෙන බව පවසා පුද්ගලයකුගෙන් රුපියල් ලක්ෂ 70ක් වංචා කිරීමේ චෝදනාව මත අත් අඩංගුවට ගත් කොළඹ නගරසභාවේ හිටපු නාගරික මන්ත්‍රී මහින්ද කහඳගම රක්ෂිත බන්ධනාගාරගත කර තිබේ.
කොම්පඤ්ඤ වීදියේ පිහිටි මෙට්‍රෝ නිවාස සංකීර්ණයෙන් නිවසක් ලබාදෙන බව පවසමින් 2022 වසරේදී අවස්ථා දෙකකදී මෙසේ මුදල් සහ චෙක්පත් මගින් රුපියල් ලක්ෂ 70ක් පැමිණිලිකරුගෙන් මහින්ද කහඳගම ලබාගෙන ඇති බවයි කොළඹ වංචා විමර්ශන කාර්යාංශය අධිකරණයට කරුණු වාර්තා කර තිබුණේ.
ඒ අනුව අදාළ මුදල් වංචාව සම්බන්ධයෙන් ඔහුව ඊයේ (20) කොම්පඤ්ඤ වීදිය ප්‍රදේශයේදී අත් අඩංගුවට ගෙන කොළඹ ප්‍රධාන මහේස්ත්‍රාත් අධිකරණයට ඉදිරිපත් කර තිබුණු අතර ඔහුව ජුනි 22 වනදා දක්වා රක්ෂිත බන්ධනාගාරගත කිරීමට අධිකරණය නියෝග කර ඇත.
RN
