රෂිකා හෙන්නායක නොවැම්බර් 15, කොළඹ LNW:
දිවුලපිටියේ පිහිටි ඉලෙක්ට්‍රොනික අපද්‍රව්‍ය ගබඩා මධ්‍යස්ථානයක හටගත් ගින්න නිවා දැමීමේ කටයුතු සඳහා ශ්‍රී ලංකා ගුවන් හමුදාව එක්ව සිටී.
මෙම මෙහෙයුමට සහාය වීම සඳහා කටුනායක ගුවන් හමුදා කඳවුරට අයත් ගිනි නිවන රථයක් සහ ගුවන් හමුදා සාමාජිකයින් යොදවා ඇති බව ගුවන් හමුදා මාධ්‍ය ප්‍රකාශක, ගෲප් කැප්ටන් නලින් වැවකුඹුර මහතා පැවසීය.
මීට අමතරව, ගම්පහ සහ මීගමුව ගිනි නිවන ස්ථානවලින් තවත් ගිනි නිවන රථ හතරක් ද එම ස්ථානය වෙත යොදවා ඇත.
අද පස්වරුවේ හටගත් මෙම ගින්න තවමත් සම්පූර්ණයෙන්ම නිවා දැමීමට හැකි වී නොමැත.
