සටහන – රෂිකා හෙන්නායක ජුනි 22 , කොළඹ (LNW):
2024 එළැඹෙන ජනාධිපතිවරණයේ දී ජනාධිපති රනිල් වික්රමසිංහ මහතාට තම පක්ෂයේ සහාය ලබාදෙන බව ටී.එම්.වී.පී. පක්ෂයේ නායක රාජ්ය අමාත්ය සිවනේසතුරෙයි චන්ද්රකාන්තන් මහතා පවසයි.
ටී එම් වී පී පක්ෂයේ නායක සිවනේසතුරෙයි චන්ද්රකාන්තන් මහතා ඇතුළු පාක්ෂිකයන් පිරිසක් සහ ජනාධිපති රනිල් වික්රමසිංහ මහතා අතර හමුවක් එම පක්ෂ මූලස්ථානයේදී පැවැත්වුණු අතර, සිවනේසතුරෙයි චන්ද්රකාන්තන් මහතා එහිදී කියා සිටියේ, එළඹෙන ජනාධිපතිවරණයේදී ජනාධිපති රනිල් වික්රමසිංහ මහතාට තම පක්ෂයේ සහාය ලබා දෙන බවයි.
නැගෙනහිර පළාත සංවර්ධනය කිරීම සඳහා වූ ජනාධිපති රනිල් වික්රමසිංහ මහතාගේ සැලැස්ම සාර්ථක කර ගැනීමට සහාය ලබාදුනහොත් පසෙන් යැපෙන නැගෙනහිර ජනතාවට දෙපයින් නැඟී සිටීමට අවස්ථාව හිමිවන බවද සිවනේසතුරෙයි චන්ද්රකාන්තන් මහතා මෙහිදී පවසා ඇත.
මෙහිදී අදහස් දැක්වූ ජනාධිපති රනිල් වික්රමසිංහ මහතා සඳහන් කළේ, රටේ ආර්ථිකය ගොඩනගන අතරම ජනවාර්ගික ප්රශ්නයටද ස්ථීර සාර විසඳුමක් ලබා දෙන බවත්, ඒ වෙනුවෙන් සියලුදෙනා එක්විය යුතු බවත් පැවසු ජනාධිතිවරයා, ඉදිරි වසර 05 තුළ නැගෙනහිර පළාත පුළුල් සංවර්ධනයකට ගෙන ඒමේ අභියෝගය තමා භාරගන්නා බවද අවධාරණය කර සිටියේය.
