ජාතික පාරිභෝගික මිල දර්ශකය අනුව 2025 මැයි මාසයේදී 0.6%ක උද්ධමනයක් වාර්තා වී තිබෙනවා. එසේ උද්ධමනයක් වාර්තා වන්නේ 2024 සැප්තැම්බර් මාසයේ සිට එක දිගට මාස අටක් පැවති අවධමනය අවසන් කරමිනුයි. අපගේ පෙර සටහන් වල මේ තත්ත්වය පුරෝකථනය කර තිබෙනවා.
නිල උද්ධමන දර්ශකය සේ සැලකෙන කොළඹ පාරිභෝගික මිල දර්ශකය අනුව 2025 ජූනි මාසයේදීද අවධමනයක් වාර්තා වීමට ඉඩ තිබෙන නමුත් එම තත්ත්වය එසේ පවතිනු ඇත්තේ විදුලි ගාස්තු වැඩි වීමේ බලපෑම එකතු වන තුරු පමණයි. මෙම වසරේ සිවුවන කාර්තුව වන විට උද්ධමනය මහ බැංකුවේ ඉලක්ක මට්ටම දක්වා ඉහළ යාමට ඉඩ තිබෙනවා.
~ ඉකොනොමැට්ටා
