සටහන – රෂිකා හෙන්නායක ජුනි 25, කොළඹ (LNW):
ගම්පොළ පාර උලපනේ පදිංචි කේ.එම්.බි.ආර්.ජි. කුලසේකර නමැති දහඅට හැවිරිදි උසස් පෙළ පාසල් සිසුවෙකු වෙඩි තබාගෙන සියදිවි හානි කර ගෙන තිබේ. කාමරයට වී දොරගුලුලාගත් මෙම පාසල් සිසුවා සියදිවි හානි කර ගෙන ඇති බව ගම්පොළ ඇත්ගාල පොලීසිය පවසයි.
මියගිය සිසුවා ගණිත අංශයෙන් මහනුවර ජනප්රිය පාසලක ඉගෙන ගත් අයකු වන අතර, ඔහුගේ මව ගුරුවරියක වන අතර පියා වන සංරක්ෂණ දෙපාර්තමේන්තු සේවයෙන් විශ්රාම ගොස් පුද්ගලික අංශයේ සේවය කරන්නෙකි.
එකම සොහොයුරා පේරාදෙණිය විශ්වවිද්යාලයේ කථිකාචාර්යවරයකු වන අතර එකම සොයුරිය කුරුණෑගල ශික්ෂණ රෝහලේ පුහුණුවන වෛද්යවරියක් වන අතර, මෙම සිසුවා සඟවා තිබූ පියා සතු ගිනිඅවිය සොයා ගෙන සිය කාමරයේ පුටුවක වාඩි වී මෙම වෙඩි තබා ගැනීම සිදුකරගෙන ඇති අතර එයින් හිසේ පසුපසට බරපතල හානි සිදුව ඇතැයි පොලිසිය පවසයි.
මෙම සිසුවා A සාමාර්ථ 08ක් හා B සාමාර්ථයක් සහිතව අපොස සා පෙළ සමත් වී තිබේ. නියමිත කාලයට වසරකට කලින් උසස් පෙළට සූදානම් වූ මොහුට විභාගය කරගැනීමට නොහැකි වෙතැයි බියක් තිබූ බවද පැවසෙයි.
අදාළ සිසුවා ඔන්ලයින් පාඩම් වැඩිපුරම කර ඇති අතර පරිගණකය හා ජංගම දුරකථනය නිතර පරිහරණය කර ඇති අතර, සිසුවා වීඩියෝ ක්රීඩාවට ඇබ්බැහි වී ඇති බවට සැක කරන බවද එසේම විභාගය පිළිබඳව සිතා සිටිමෙන් ඔහු මානසික ආතතිය හා දැඩි පීඩනයට ලක්ව සිටින්නට ඇති බවද පොලිසිය සැක පල කරන බව පැවසේ.