කොළඹ LNW:දේශීය ණය ප්‍රතිව්‍යුහගතකරණය නොකර වෙනත් විකල්ප ක්‍රම වෙත යොමුවෙන ලෙස ආණ්ඩුවට දැනුම් දී තිබෙන පසුබිමක දින පහක නිවාඩුවක් සමඟ සිදුකිරීමට යන දෙයින් ගණුදෙනුකරුවන්ට,තැන්පත්කරුවන්ට කිසිදු හානියක් සිදුනොවන බව ආණ්ඩුව සහතික විය යුතු වන බව ලංකා බැංකු සේවක සංගමය අවධාරණය කළේය.
කොළඹදී අද (27) මාධ්‍ය හමුවක් කැඳවමින් එහි ලේකම් රන්ජන් සේනානායක මහතා පැවසුවේ මෙම ප්‍රතිව්‍යුහගතකරණය හරහා ගණුදෙනුකරුවන්ට හෝ තැන්පත්කරුවන්ට හානියක් වීමට ඉඩ නොදෙන බවයි.
”පාර්ලිමේන්තුව තුළ සෑබෑ ජනමතයක් අද නියෝජනය වෙන්නෙ නෑ. ඒ නිසා එහි ගන්න තීන්දු තීරණ ගැන මතයක් නෑ.
මේ දින පහේ නිවාඩුව තුළ පාර්ලිමේන්තුවේ කරන්න යන්නෙ මොකද්ද,මේකෙන් ගණුදෙනුකරුවන්ට හානියක් වෙන්නෙ නෑ මේක කරන්නෙ කොහොමද කියල ආණ්ඩුව දැනුවත් කළ යුතුයි. මූලික වශයෙන් මේ ප්‍රතිව්‍යුහගතකරණයට ලක්වෙන්නෙ භාණ්ඩාගාර බිල්පත් සහ බැදුම්කර. එහිදී බැංකු ගනූදෙනුකරුවන්ට තැන්පතුකරුවන්ට හානියක් වෙන්නෑ, කලබලවෙන්න එපා කියල ආණ්ඩුව කියනවා ගණුදෙනුකරුවන්ට සැක හිතෙන ආකාරයට.”
රජය මෙලෙස ක්‍රියා නොකළ යුතුවන අතර විනිවිදභාවයක් තිබිය යුතුවන බවයි සේනානායක මහතා වැඩිදුරටත් පැවසුවේ.
ASK
