කොළඹ LNW:Guam දූපතේ ‘වෙරළ සටන් බලකායක්’ ස්ථානගත කිරීම පිළිබඳ ඇමරිකාව සිදු කළ ප්‍රකාශය සම්බන්ධයෙන් චීනය සිය ප්‍රතිචාර දක්වා තිබෙනවා.
චීන ජාතිකාරක්ෂක අමාත්‍යංශයේ ඊයේ (27) පැවති මාධ්‍ය හමුවේදී චීන ජාතිකාරක්ෂක අමාත්‍යාංශ ප්‍රකාශක Wu Qian මහතා සඳහන් කළේ ඇමරිකානු හමුදාව ඉදිරියේ දී Guam දූපතේ ඇමරිකානු ‘වෙරළ සටන් බලකායක්’ ස්ථානගත කිරීමට අපේක්ෂා කරන බවයි.
එමෙන්ම චීනයේ ප්‍රහාරයන්ට මුහුණ දෙමින් ජපානය හා පිලිපීනය ඇතුළු සිය මිත්‍ර රටවල් ආරක්ෂා කිරීම එහි අරමුණ බවයි චීනය පවසන්නේ.
පදනම් විරහිත තර්ජන හේතු කොට ගෙන ඇමරිකාව ආසියා ශාන්තිකර කලාපයට සිය හමුදාව යෙදවීමට උත්සහ කරන බවත්, කලාපයේ ගටලු උත්සන්න කිරීම ඇමරිකාවේ අරමුණ බවත් චීනය පවසනවා.
ඇමරිකාව මෙලෙස ප්‍රකෝපකාරී ක්‍රියා සිදු කරන්නේ නම් චීනය ද ඊට ප්‍රතිප්‍රහාර එල්ල කිරීමට සූදානම් බවයි චීනය වැඩිදුරටත් අවධාරණය කරන්නේ.
දිනූෂි ධීරසිංහ
