2020/2021 කොරෝනා හේතුවෙන් මෙරට දරුවන්ගේ අධ්යාපනය අහිමි වූ අතර මේ වන විට ආණ්ඩුවේ නොහැකියාව මත ඉන්ධන හිඟය හේතුවෙන් මේ වසරේදීද දරුවන්ගේ අධ්යාපනය අහිමි වීමේ තත්ත්වයක් පවතින බව ලංකා ගුරු සංගමයේ ලේකම් ජෝශප් ස්ටාලින් මහතා පැවසුවේය.
ඒ, අද (28) මාධ්ය වෙත අදහස් දක්වමිනි.
මේ වන විට අත්යවශ්ය සේවා ප්රකාශයට පත්කර තිබෙන නමුත් අධ්යාපනය ඊට අදාළ වී නැති බවයි ස්ටාලින් මහතා පෙන්වා දුන්නේ.
එයටම සරිලන ආකාරයට කාංචන විජේසේකර අමාත්යවරයා පවසා ඇති පරිදි පාසල් විවෘත කළ හොත් අර්බුදය තවත් උඝ්ර වන බවට පවසා තිබීම තුළ ඔහු තරම් විහිළුවක් තවත් නැති බව හෙතෙම පැවසුවේය.
සෑම ආණ්ඩුවක්ම හොඳම දේ දරුවන්ට බව පැවසුවද අද වන විට දරුවන්ට කිසිම දෙයක් නොමැති තත්ත්වයට පත්ව තිබෙන බවද ස්ටාලින් මහතා කියා සිටියේය.
ASK
