රෂිකා හෙන්නායක ජුනි 29, ලෝකය (අවුට්බවුන්ඩ් ටුඩේ):
ජර්මනියේ ස්ටේඩ් (Stade) නගරයේ පිහිටි යෞවන සුභසාධන මධ්‍යස්ථානයක සිදු වූ බිහිසුණු වෙඩි තැබීමක් පිළිබඳව විදෙස් මාධ්‍ය අනාවරණය කර තිබේ.
මෙම ප්‍රහාරය හේතුවෙන් පුද්ගලයන් පස් දෙනෙකු ජීවිතක්ෂයට පත්ව ඇති අතර තවත් පිරිසක් තුවාල ලබා තිබේ.
සිද්ධිය සම්බන්ධයෙන් සැකකරුවන් දෙදෙනෙකු පොලිස් අත්අඩංගුවට ගෙන ඇති නමුත් මෙම ප්‍රචණ්ඩ ක්‍රියාවට හේතුව මෙතෙක් අනාවරණය වී නොමැත.
ප්‍රදේශයේ ආරක්ෂාව තහවුරු කිරීම සඳහා විශේෂ මෙහෙයුමක් ක්‍රියාත්මක කර ඇති අතර, අදාළ ප්‍රදේශයෙන් බැහැරව සිටින ලෙස බලධාරීන් මහජනතාවගෙන් ඉල්ලා සිටියි.
හදිසි සහන සේවා කණ්ඩායම් එම ස්ථානයට කැඳවා ඇති අතර මේ වන විටත් විමර්ශන කටයුතු අඛණ්ඩව සිදුවෙමින් පවතී.
