මේ වනවිට විසුරුවා හැර ඇති පළාත් පාලන ආයතන නැවත කැඳවීම සඳහා පළාත් පාලන අමාත්‍යවරයාට බලය ලැබෙන පරිදි 1987 අංක 15 දරණ ප්‍රාදේශීය සභා පනත සංශෝධනය කිරීමේ පනත් කෙටුම්පතක් පෞද්ගලික මන්ත්‍රී යෝජනාවක් ලෙස ගැසට් කර තිබේ.
මෙම යෝජනාව ඉදිරිපත් කර ඇත්තේ ශ්‍රී ලංකා පොදුජන පෙරමුණේ පාර්ලිමේන්තු මන්ත්‍රී ජයන්ත කැටගොඩ මහතා විසිනි.
පළාත් පාලන මැතිවරණයක් කැඳවමින් එම ආයතන විසුරුවා හැර තිබුණත් අදාළ මැතිවරණය දින නියමයක් නොමැතිව කල්ගොස් ඇති වාතාවරණය තුළ මේ වනවිට දිවයිනේ සියලුම පළාත් පාලන ආයතන පවතින්නේ නාගරික කොමසාරිස්වරුන් සහ පළාත් පාලන ආයතන ලේකම්වරුන්ගේ පාලනය යටතේ ය.
RN
