සටහන: සශිකලා මධුෂාණි
ජුනි 30; ලෝකය(අවුට්බවුන්ඩ් ටුඩේ): මෙක්සිකානු ප්‍රාන්තයේ ජාලිස්කෝ හි ගොවිපලක රහසිගත ආදාහනාගාරයකින් සපත්තු යුගල දෙසියයක් ඇතුළුව රහසිගතව පුළුස්සන ලද දේහයන් විශාල සංඛ්‍යාවකට අදාළ අස්ථි අවශේෂ පොලිසිය විසින් සොයාගෙන තිබේ.
එය සංවිධානාත්මක අපරාධවලට අදාළව බලහත්කාරයෙන් අතුරුදහන් කිරීමේ ප්‍රතිඵලයන් විය හැකි බවට විශ්වාස කරන අතර ගොවිපලෙන් සොයාගත් දේහය කොපමණ පිරිසකට අයත් දැයි බලධාරීන් තවමත් තීරණය කර නොමැත.
මෙක්සිකෝවේ ජාතික සෙවුම් කොමිසමට අනුව, ජාලිස්කෝ හි අතුරුදහන් වූ පුද්ගලයින් 15,000 කට ආසන්න සංඛ්‍යාවක් සිටින අතර, එය මෙක්සිකෝවේ වඩාත්ම අතුරුදහන් වූ පුද්ගලයින් සිටින ප්‍රාන්තය බවට පත්වේ.
ට්‍රම්ප් පරිපාලනය විසින් මෑතකදී විදේශීය ත්‍රස්තවාදී සංවිධානයක් ලෙස ප්‍රකාශයට පත් කරන ලද ජාලිස්කෝ කාටෙල්, මෙක්සිකෝවේ බලවත්ම සංවිධානාත්මක අපරාධ කණ්ඩායම් වලින් එකක් වන අතර රට පුරා සහ ජාත්‍යන්තරව මත්ද්‍රව්‍ය සහ පුද්ගලයින් ජාවාරමට සම්බන්ධ වේ.
