ඇඹිලිපිටිය, 99 කණුව ප්‍රදේශයේ ඉන්ධන පිරවුම්හලක ඊයේ (03) ඇතිවූ ගැටුමකින් හමුදා සෙබළෙකු තුවාල ලබා ඇති බව වාර්තා වේ.
දින 5කට පසු ඊයේ එම ඉන්ධන පිරවුම්හලට ඉන්ධන තොගයක් ලැබී තිබුණු අතර එම තොගය අවසන් වීමත් සමග පෝලිමේ සිටි ජනතාව ඉන්ධන ඉල්ලා විරෝධය පළකර තිබේ.
ඒ අවස්ථාවේදී පුද්ගලයින් දෙදෙනෙකු එම පිරවුම්හලේ ආරක්ෂාවට යොදවා සිටි හමුදා සෙබළෙකු සමග බහින්බස්වීමක් ඇතිකරගෙන ඇති අතර එය දුරදිග යාමෙන් එක් පුද්ගලයෙකු සෙබළාගේ ගිනි අවිය උදුරාගැනීමට තැත්කර ඇති අතර අනෙක් පුද්ගලයා සෙබළාට තියුණු ආයුධයකින් පහරදී ඇති බව සඳහන්.
සිද්ධියෙන් තුවාල ලත් හමුදා සෙබළා ඇඹිලිපිටිය මහ රෝහලට ඇතුළත් කර ඇත.
RN
