කොළඹ LNW:රනිල් වික්‍රමසිංහ මහතාගේ ආර්ථික ප්‍රතිපත්තිය සමඟ ඉදිරි දේශපාලන ගමනක් යාම සඳහා ශ්‍රී ලංකා පොදුජන පෙරමුණ කිසිසේත්ම එකඟ නොවන බව එහි මහ ලේකම් පාර්ලිමේන්තු මන්ත්‍රී නීතිඥ සාගර කාරියවසම් මහතා පවසයි.
ඉදිරි ජනාධිපතිවරණය පිළිබඳව පොහොට්ටුව තුළ සිදු වන සාකච්ඡාවල දී රනිල් වික්‍රමසිංහ ජනාධිපතිවරයාගේ නම පිළිබඳව කිසිඳු සාකච්ඡාවක් නොමැති බවයි කාරියවසම් මහතා පවසන්නේ.
වර්තමාන ජනාධිපති රනිල් වික්‍රමසිංහ ඉදිරි ජනාධිපතිවරණයට ඉදිරිපත් වන බවක් පොහොට්ටුව පක්ෂයට මොන ආකාරයකට හෝ දන්වා නැති බවත් පොහොට්ටුවේ ඇතැම් මන්ත්‍රීවරුන් සහ ඇමතිවරුන් ජනාධිපති රනිල් වික්‍රමසිංහ ඉදිරි ජනාධිපතිවරණයේ අපේක්ෂකයෙකු ලෙස ඉදිරිපත් කිරීමට සුදුසු බව පැවසූවත් ජනාධිපතිවරයා තම පක්ෂයට පමණක් නොව වෙන කිසිම අයෙකුට හෝ කිසිදු අවස්ථාවක තමා ජනාධිපතිවරණයට ඉදිරිපත් වන බව ප්‍රකාශ කොට නැති බව හෙතෙම තවදුරටත් කියාසිටියි.
ආශිකා බ්‍රාහ්මණ
