සටහන : සශිකලා මධුෂාණි
ජුලි 08, ලෝකය(අවුට්බවුන්ඩ් ටුඩේ) : පසුගිය සතියේ රිපබ්ලිකන් අපේක්ෂක ඩොනල්ඩ් ට්රම්ප් සමඟ ජෝ බයිඩන් පැවැත්වූ අශෝභන විවාද කාර්ය සාධනයෙන් පසු ඩිමොක්රටික්ස් පාක්ෂිකයන් බහුතරයක් සඳහන් කර තිබුණේ, ජෝ බයිඩන් ජනාධිපති තරඟයට ඉදිරිපත්වීම මඟින් පාර්ලිමේන්තුවේ බහුතරය නැවත දිනා ගැනීමට පක්ෂයට ඇති අවස්ථා අඩාල වන බවයි.
ඒ අනුව, නීති සම්පාදකයන් වන Mark Takano, Adam Smith, Jim Himes, Joe Morelle, Jerry Nadler සහ Susan Wild යන අය ප්රසිද්ධියේම බයිඩන් හට සිය විරෝධය ප්රකාශ කළ අතර නව අපේක්ෂකයකු වශයෙන් මෙහිදී උප ජනාධිපතිනි කමලා හැරිස්ගේ නම යෝජනා විය.
පසුගිය දා ප්රයිම් ටයිම් සම්මුඛ සාකච්ජාවකට සම්බන්ධ වෙමින් ජනාධිපති බයිඩන් සඳහන් කර තිබුණේ, තමා ජනාධිපතිවරණයට තරඟ කිරීම වලක්වා ලිය හැක්කේ සර්වබලධාරී ස්වාමීන් වහන්සේට පමණක් වන බවයි. කෙසේ නමුත් දේශපාලනික විශ්ලේෂකයන් සඳහන් කරන්නේ පවතින තත්වයන්ට අනුව ජෝ බයිඩන්ගේ 50 වසරක දේශපාලන ජීවිතය ඉදිරි දින කිහිපය තුළ අතිශය තීරණාත්මක වනු ඇති බවයි.
