සිය සේවකයින්ට සේවයට වාර්තා කිරීම සඳහා ඉන්ධන ලබාදීමට බලධාරීන් කටයුතු නොකරන්නේ නම් අද (08) පෙරවරු 10.00 සිට සියලුම සේවකයින් සේවයෙන් ඉවත්වන බව ලංකා ගමනාගමන මණ්ඩලයේ වෘත්තීය සමිති පවසයි.
එමෙන්ම ලංගම ඩිපෝවලින් ඉන්ධන නිකුත් කිරීම ද ගිලන් රථ වැනි අත්‍යාවශ්‍ය සේවා සඳහා පමණක් සීමා කරන බවයි ඔවුන් සඳහන් කරන්නේ.
ලංගම සේවකයින් අළුයම 04.00 ට පමණ සේවයට වාර්තා කළයුතු අතර සේවය නිමවීමට රාත්‍රී 11 – 12 වන බැවින් ඔවුන්ට සිය යතුරුපැදි හෝ ත්‍රීරෝද රථ වැනි වාහනවලින් සේවයට පැමිණීමට සහ ආපසු යෑමට අවශ්‍ය ඉන්ධන ලබාදෙන ලෙස පාලකයින් ඉල්ලීම් කර ඇති අතර ඔවුන්ට ඉන්ධන ලබාදෙන බවට පාලකයින් ලිඛිතව දැනුම් දෙන්නේ නම් පමණක් ඒ මොහොතේ සිට සේවා කටයුතුවල නියැළෙන බවත් ශ්‍රී ලංකා පොදුජන ප්‍රවාහන සේවක සමිතියේ සභාපති නුරාජිත් සිං මහතා සඳහන් කළේය.
RN
