කොළඹ කොටුව චැතම් වීදිය ප්‍රදේශය මේ වන විට ඉතා උණුසුම් වී තිබෙනවා.
අරගලයේ නිරත පිරිස් විසුරුවා හැරීමට පොලීසිය කඳුළු ගෑස් එල්ල කිරීමත් සමඟයි එම ප්‍රදේශය දැඩි උණුසුම් තත්ත්වයක් ගෙන ඇත්තේ.
අරගලයට සහය පළකරමින් දිවයිනේ විවිධ ප්‍රදේශ වලින් ජනතාව පැමිණෙමින් සිටින අතර එම ප්‍රදේශය සිසාරා විශාල ජනතාවක් රැස්ව සිටිනවා.
කෙසේවෙතත් පොලීසිය සහ හමුදාව ද විශාල පිරිසක් යොදවා ඇති නමුත් ආරක්ෂක බල ඇණි අභිබවා ජනතාව රැස්වෙමින් සිටින බවයි වාර්තා වන්නේ.
මේ අතර ගෝල්ෆේස් අරගල බිමද ජනතාවගෙන් පිරී පවතින බව සඳහන්.
අලුත්කඩේ උසාවි සංකීර්ණයේ සිට නීතිඥවරු අරගල භූමිය වෙත විරෝධතා පාගමනින් පැමිණෙමින් සිටින අතර කලාකරුවන්ද එල්ෆින්ස්ටන් රඟහල අසල සිට අරගල බිමට පාගමනින් පැමිණීමට සූදානමින් සිටියි.
ASK
