සටහන – පුලී
ජූලි 09, LNW (කොළඹ): ඉරානයේ දකුණු ප්රදේශයේ පිහිටි බුෂෙර් පළාතේ බ්රහස්පතින්දා අලුයම කාලයේදී දැඩි ශබ්ද සහිත පිපිරීම් කිහිපයක් ඇසුණු බව විදෙස් මාධ්ය වාර්තා කර තිබේ.
මෙම සිදුවීම සිදුවී ඇත්තේ ඉරානයේ ප්රධාන න්යෂ්ටික බලශක්ති මධ්යස්ථානයක් පිහිටි ප්රදේශයක වීම හේතුවෙන් ජාත්යන්තර අවධානය එයට යොමු වී ඇත. බුෂෙර් න්යෂ්ටික බලාගාරයේ ආරක්ෂාව සහ එහි තත්ත්වය පිළිබඳව මේ වනවිට විවිධ අවධානයන් මතුව තිබේ.
පිපිරීම්වල නිශ්චිත හේතුව, එයින් සිදුවූ හානිය හෝ න්යෂ්ටික පහසුකමට කිසිදු බලපෑමක් සිදුවී ඇත්ද යන්න පිළිබඳව මෙතෙක් නිල තොරතුරු නිකුත් කර නොමැත.
මෙම සිදුවීම මැද පෙරදිග දේශපාලන උණුසුම තවදුරටත් ඉහළ නැංවිය හැකි බවට විශ්ලේෂකයෝ පෙන්වා දෙති. ඉරානයේ න්යෂ්ටික වැඩසටහන සම්බන්ධයෙන් පසුගිය කාලය පුරාම ජාත්යන්තර මට්ටමින් අවධානය යොමුව තිබූ අතර, නවතම සිදුවීම ඒ පිළිබඳ කනස්සල්ල තවත් වැඩි කර ඇත.
