මේ වනවිට පුරප්පාඩු වී සති දෙකක් ගත වී ඇති පොලිස්පති ධුරය සම්බන්ධයෙන් අද (09) දිනයේදී අවසන් තීරණයක් ගැනෙනු ඇති බව දේශපාලන ආරංචිමාර්ග පවසයි.
අද පස්වරුවේ ජනාධිපති රනිල් වික්‍රමසිංහ මහතා සහ මහජන ආරක්ෂක අමාත්‍ය ටිරාන් අලස් මහතා අතර විශේෂ සාකච්ඡාවක් පැවැත්වීමට නියමිතව ඇති අතර එහිදී මේ සම්බන්ධයෙන් අවසන් තීරණයකට එළඹෙනු ඇති බව සඳහන්.
පොලිස්පති පත්කිරීම සම්බන්ධයෙන් ජනාධිපතිවරයා සහ ඇමති ටිරාන් අතර සාකච්ඡාවක් පසුගිය බ්‍රහස්පතින්දා දිනයේදී ද පැවැත්වී තිබුණු අතර හිටපු පොලිස්පති සී.ඩී. වික්‍රමරත්න මහතාටම තවත් සේවා දිගුවක් ලබාදෙන්නේද, එසේ නොමැති නම් වැඩබලන පොලිස්පතිවරයකු පත් කරන්නේද යන්න සම්බන්ධයෙන් තීන්දුවක් ගන්නා ලෙස ජනාධිපතිවරයා එහිදී ඇමති ටිරාන් අලස්ට පවරා ඇතැයි මාධ්‍ය වාර්තා කර තිබිණි.
RN
