සටහන – රුවන් නෙළුගොල්ල
දුම්රිය ස්ථානාධිපතිවරුන් සහ දුම්රිය පාලකවරුන් විසින් පෙරේදා (09) මධ්යම රාත්රියේ සිට ආරම්භ කළ වැඩවර්ජනය අද (11) දිනයේත් ක්රියාත්මක වේ.
නිසි පරිදි උසස් වීම් ලබාදීම ඇතුළු ඉල්ලීම් 14ක් මුල්කර ගනිමින් ඔවුන් මෙම වැඩවර්ජනය ආරම්භ කළ අතර මේ හේතුවෙන් ඊයේ දිනයේදී දුම්රිය මගීන් දැඩි ලෙස පීඩාවට පත්ව තිබිණි.
ඊයේ දහවල් 12 වනවිට සේවයට වාර්තා නොකරන සේවකයින් සේවය හැරගියා සේ සලකන බවට දුම්රිය දෙපාර්තමේන්තුව අවසන් නිවේදනයක් නිකුත් කළ ද වැඩවර්ජනය අඛණ්ඩව පවත්වාගෙන යාමටයි වෘත්තීය සමිති තීරණය කර තිබුණේ.
කෙසේවෙතත් වැඩවර්ජනය ක්රියාත්මක වුව ද කාර්යාල දුම්රිය ඇතුළු දුම්රිය 35ක් අද දිනයේදී ධාවනය කරන බව දුම්රිය දෙපාර්තමේන්තුව ප්රකාශ කරයි.
