සටහන – පුන්සරා ලියනගේ
ජූලි 13, (LNW) කොළඹ:මෙම වසර මුලදී, World AI Creator සම්මාන උළෙල විසින් AI-ජනනය කරන ලද නිරූපිකාවන් සඳහා ලොව ප්‍රථම AI රූ රැජින තරඟය හඳුන්වා දෙන ලදී.
මෙම ලොව ප්‍රථම AI රූ රැජින තරගයේ විනිසුරුවන් විසින් පසුගිය මාසයේ අවසන් තරඟකරුවන් 10 දෙනෙකු එළිදැක්වීමෙන් පසුව, 2024 AI රූ රැජින කිරුළු පැළඳීම උත්කර්ෂවත් අයුරින් සිදු කෙරිණි.
ඉන්ස්ටග්‍රෑම් 200,000කට ආසන්න සංඛ්‍යාවක් සහ TikTok හි 45,000ක් රසිකයින් සිටින Kenza Layli මෙසේ AI රූ රැජින ලෙස කිරුළු පැළදීය.
මෙහි ඡායාරූප, අදහස් ඉදිරිපත් කිරීම් සියල්ලම AI තාක්ෂණය ඔස්සේ සිදු කර තිබේ. රටවල් කිහිපයකින් තරඟ වැදුණු AI නිරූපිකාවන් ද මෙහිදී දක්නට ලැබිණි.
Fanvue Miss AI තරඟය, “කෘතිම බුද්ධියේ ක්ෂේත්‍ර තුළ අලංකාරය සහ නිර්මාණශීලිත්වය, අප දකින ආකාරය වෙනස් කිරීම” ප්‍රදර්ශනය කිරීම අරමුණු කරගනිමින්, ලොව පුරා සිටින AI නිර්මාණකරුවන් එකතු කර ඔවුන්ගේ ඩිජිටල් නිර්මාණ එළිදැක්වීම සඳහා දියත් කළ වැඩසටහනකි.
