නිශ්මං රණසිංහ ජූලි 14, කොළඹ LNW:
බංගලාදේශයේ පැවත්වෙන දකුනු ආසියානු අවුරුදු 20 න් පහළ කාන්තා පාපන්දු තරගාවලියේ දී ශ්‍රී ලංකාව සිය දෙවන පරාජයට මුහුණ දුන්නේ භූතානයට එරෙහිවයි.ප්‍රථම තරගය 9-1 ලෙස බංගලාදේශය හමුවේ පරාජය වූ ශ්‍රී ලංකාව භූතානයට එරෙහි තරගයෙන් 5-0 ක පරාජයක් අත් කර ගත්තේය.
තරගයේ පළමු අර්ධය නිමාවන විට භූතානය 3-0 ක් ලෙස ඉදිරියෙන් සිටි අතර දෙවන අර්ධයේදී තවත් ගෝල 2 ක් සිය කණ්ඩායමට එක් කර ගැනීමට ඔවුන්ට හැකි විය.
මේ අතර නේපාලය සහ බංගලාදේශය අතර පැවති තරගය තියුණු මුහුණුවරක් ගත් අතර එහිදී බංගලාද්ශය ගෝල 3-2 ක් ලෙස ජය ගැනීමට සමත් විය.ඒ අනුව ශ්‍රී ලංකා කණ්ඩායමට ඊ ළඟ තරගයේදී හමුවන නේපාලය ද දරුණු ප්‍රතිවාදියෙක් වනු ඇත.
