සටහන: සශිකලා මධුෂාණි
ජුලි 16; ලෝකය(අවුට්බවුන්ඩ් ටුඩේ): දකුණු ගාසා තීරයේ ඛාන් යුනිස් හි ආහාර බෙදා හැරීමේ ස්ථානයක ඇති වූ තෙරපීමකින් අවම වශයෙන් පලස්තීනුවන් 20 දෙනෙකු මිය ගොස් තිබේ.
මෙය සිදුවී ඇත්තේ මධ්‍යස්ථානයට පැමිණි කුසගින්නෙන් පෙළෙන පිරිසකට ඊශ්‍රායල් GHF ආරක්ෂකයින් කඳුළු ගෑස් එල්ල කිරීමත් සමඟ ඇතිවූ තෙරපීම හේතුවෙනි.
ගාසා තිරයේ සෞඛ්‍ය අමාත්‍යාංශය නිවේදනයක් නිකුත් කරමින් කියා තිබුණේ, සමූහයා වෙත විෂ වායු ප්‍රහාර එල්ල කිරීමෙන් පසු හුස්ම හිරවීමෙන් පුද්ගලයින් පහළොස් දෙනෙකු මිය ගිය බවයි. මාස 20 කට ආසන්න යුද්ධයකදී ඊශ්‍රායල ප්‍රහාරවලින් දැනටමත් 58,000 කට අධික පිරිසක් මිය ගොස් ඇති අතර, ඔවුන්ගෙන් බහුතරයක් සිවිල් වැසියන් ය.