සඳ නිදුක් වෙත්වා
නීරෝගි වෙත්වා
මළ ලොවක් යැයි කියන
ගැරහුමෙන් මිදෙත්වා
සඳ මෙන්ම
අනෙක් ග්‍රහලෝකද
නිදුක් වෙත්වා
නීරෝගි වෙත්වා
තෙතමනය ඇත්තෝ වෙත්වා
අභ්‍යවකාශයේ
අපරිමිත ගුඪ රහස්
හොයාගෙන වරෙන් යැයි අණ ලද
ලයිකා වගේ කෙල්ලන්
දමනය නොවෙත්වා
තාරුකා පොකුරු මැද
ගිනිගන්න පෙර ස්පුට්නික් දෙක
ලයිකාට දැනුනු තනිකම
කාට කාටත් දැනෙත්වා
ඇගේ අවසන් උඩුබිරුම
කාට කාටත් ඇහෙත්වා
සඳ නිදුක් වෙත්වා
නීරෝගි වෙත්වා
මළ ලොවක් යැයි කියන
ගැරහුමෙන් මිදෙත්වා …!
~ රුවන් බන්දුජීව
