ගෝල්ෆේස් අරගලය ආරම්භ වී අදට (17) දින 100ක් සපිරේ.
හිටපු ජනාධිපති ගෝඨාභය රාජපක්ෂ මහතාට ඉල්ලා අස්වන ලෙස බලකරමින් පසුගිය අප්‍රේල් 09 වනදා දිවයිනේ විවිධ ප්‍රදේශවලින් පැමිණි තරුණ පිරිස් ගෝල්ෆේස් පිටියෙහි වාඩිලාගත් අතර පසුගිය ජුලි 14 වනදා ගෝඨාභය රාජපක්ෂ මහතා සිය තනතුරින් ඉල්ලා අස්විය.
ඒ අනුව එම අරගලය එහි ප්‍රමුඛතම අරමුණ ජයග්‍රාහී ලෙස අවසන් කළ අතර මේ වනවිට ඔවුන් වැඩබලන ජනාධිපති රනිල් වික්‍රමසිංහ මහතාට ඉල්ලා අස්වන ලෙස බලකරමින් විරෝධතාවෙහි නිරත වෙමින් සිටී.
මෙම අරගලයට දින 100ක් සම්පූර්ණ වීම සැමරීම සඳහා අද දිනයේදී විශේෂ වැඩසටහන් ද සංවිධානය කර තිබේ.
RN
