අධිකරණයට බලපෑම් කළ අධිකරණයේ ස්වාධීනත්වයට බලපෑම් කළ සෑම අවස්ථාවකම ආණ්ඩු මාරුවන විට ඒ සියල්ල අවසන් වී යන බවත් අනුර කුමාර දිසානායක ජනාධිපතිවරයාගේ ආඥාදායක ඒකාධිපති ආණ්ඩුව මේ අවස්ථාවේ අධිකරණයට අත තබා ඇති බවත් ප්‍රගතිශීලි ජනතාව ලෙස මේ අධිකරණයට ආණ්ඩුවේ අත පෙවීම පරාජය කරන බවත් විපක්ෂ නායක සජිත් ප්‍රේමදාස මහතා පැවසීය.
විපක්ෂ නායක සජිත් ප්‍රේමදාස මහතා මේ බව කියා සිටියේ අද විපක්ෂ නායක කාර්යාලයේ දී හිටපු ජනාධිපතිවරු අගමැතිවරු සහ විපක්ෂයෙ පක්ෂ ක්‍රියාකාරීන් සමඟ පැවැති හමුවකදීය.
දේශපාලන මතවාද ප්‍රතිපත්ති කුමක් වුවත් ප්‍රජාතන්ත්‍රවාදය සුරැකීමේ පොදු අරමුණ වෙනුවෙන් පක්ෂ පාට නොතකා අත්වැල් බැදගෙන අධිකරණයේ ස්වාධීනත්වය වෙනුවෙන් ජනතාවගේ පරමාධිපත්‍යය සහ ප්‍රජාතන්ත්‍රවාදය සුරැකීම වෙනුවෙන් කැපවෙන බවත් විපක්ෂ නායකවරයා පැවසීය..
