ආශිකා බ්‍රාහ්මණ
කොළඹ LNW:අධිකරණ සහ ජාතික ඒකාබද්ධතා අමාත්‍ය නීතිඥ හර්ෂණ නානායක්කාර මහතාට එරෙහි විශ්වාසභංග යෝජනාව අද (24) විවාදයට ගැනීමට නියමිතයි.
මේ වන විට අද (24) දිනට නියමිත පාර්ලිමේන්තු සභාවාරයේ කටයුතු කථානායක වෛද්‍ය ජගත් වික්‍රමරත්න මහතාගේ ප්‍රධානත්වයෙන් මේ වනවිට ආරම්භවී තිබේ.
අදාළ විශ්වාසභංග යෝජනාව පසුගිය 21 වැනිදා විපක්ෂය නියෝජිතයින් විසින් කථානායකවරයා වෙත භාර දුන් අතර ඊයේ පස්වරුවේද අධිකරණය කේන්ද්‍ර කරගත් කාරණා සම්බන්ධයෙන් විපක්ෂ නායක සජිත් ප්‍රේමදාස මහතාගේ මූලිකත්වයෙන් විපක්ෂයේ පක්ෂ නායකයින් හා අනියෝජිතයින් අතර විපක්ෂ නායක කාර්යාලයේදී හමුවක්ද පැවැත්විය. .
විශේෂයෙන් මීගමුව බන්ධනාගාරය තුළ ඇතිවූ සිද්ධියේදී රැඳවියන්ගේ සහ නිලධාරීන්ගේ ආරක්ෂාව පිළිබඳව සිය වගකීම සහ වගවීම ඉටු කිරීමට අපොහොසත් වීම හේතුවෙන් අධිකරණ අමාත්‍යවරයාට එරෙහිව උක්ත විශ්වාසභංග යෝජනාව ඉදිරිපත් කර ඇත.
පාර්ලිමේන්තු කටයුතු අනුව පෙ.ව.11.30 සිට පස්වරු 05.30 දක්වා කාලය තුළ අධිකරණ අමාත්‍යවරයාට එරෙහි විශ්වාසභංග යෝජනාව විවාදයට ගැනීමට නියමිතයි.
